我從小就知道，我係一個偉大嘅演員。人哋細個成班細路群埋，鐘意玩扮結婚，扮爸爸媽媽。我細個，就鐘意扮姦夫淫婦。但係唔知係咪我個樣比較老實，我係從來都冇機會扮奸夫。每次我都係扮淫婦......嘅老公。雖然係咁，雖然，我亦都係成班人之中最細嗰個。但係我已經可以將一個妒忌嘅男人心態表現得淋漓盡至。當然，我啲朋友個個都讚我，話我天生出嚟，就係好幽默嘅。如果你話我聽，因為我唔夠靚仔，所以唔可以做戲，你唔應該話我聽！因為唔關我事，我唔應該負呢個責任，你應該同我父母講，係佢哋攪成我咁嘅。如果你要罰，應該罰佢哋。以後，邊個醜樣，就罰佢爸爸媽媽唔準做戲！或者剩係做茄呢啡！(普通嘅)

我唔係一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊？我細個讀書唔好，或者唔合格，我冇要父母負責。我自己簽晒啲成績表嘅。每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！ 我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。反而係我調番轉頭，提醒佢哋：你哋要搵錢啊，積穀防飢啊，唔係第日老來無依無靠啊！ 乜嘢都係我！一件污,二件穢,三件無所謂。！(普通嘅)

(太diu了)白雪公主，识得果个系王子，灰姑娘识得果个又系王子； 有个有特殊嗜好，中意锡青蛙噶女人锡左只青蛙一淡，只青蛙变出嚟嘅又系王子！有冇人谂过根本个王子系同一个人呢？根本呢个王子都不知几花心，周围沟女。仲无良到扮青蛙去沟添！所以话，其实呢个世界上没王子，只有扑街，最憎就系果D扮王子噶扑街！！ 但后来随着世界噶发展，我觉得现代噶爱情故事当中，其实都系无公主噶．因为等白马王子救噶果个系公主，拿把剑噶王子救果个又系公主，就连扮青蛙果个王子救噶都是公主．其实果个公主都唔知比人救过几多次啦．甘又有冇人谂过根本个公主其实都系同一个人呢？呢个公主其实都不知几贪心想有好多王子救佢． 愛唔係PART-TIME，你唔可以話：『愛！做完咪走囉！』 戀愛係一盤生意，你要二十四小時諗住佢。自己生意，冇所謂PART-TIME 正識。 人地放假或者過年過節，你更加要開OT添。 行花市啦行海旁啦睇戲食飯啦....
你有乜鳩野競爭對手呢？ 我冇競爭對手?！ 你估你係專利巴士公司呀？ 港巴都執7左啦！ 有冇考慮結婚？ 咁就要向公眾交代，咁就即係上市啦！ 所以，『中學生應否談戀愛』唔係問題問題係『人類應否有兩份全職工作？』 你再拍拖，需要知會你老闆：『老細，我出面搵0左份戀愛，我真係好需要呢份戀愛?，不過公司d野我會照做，我兼顧到。』 然後你老闆會話：
『咁你不如搵多份愛情，咪直情唔洗番呢分工囉』 依家D人溝女，對絛女最大既要求係乜呀? 唔係靚，最緊要，係夠新鮮! 乜0野叫做夠新鮮呀? 就係話、溝左一年果個，就唔夠溝左半年果個咁正。因為半年果個新相識，新鮮D同樣，溝左半年果個，就唔夠三個月咁正。溝左一個月就唔夠半個月果個咁正。如此類推，終於...
溝左個件，就唔夠未溝果件咁正！咁即係點呢?? 仲溝唔溝好呢?一溝就唔正?！ 靚仔係唔係真係o甘重要呀?有d人話男人唔駛靚仔既,有才華米得囉. 係,你有冇試你帶你既才華去落disco識女仔呀?人地d靚仔一行入去,唔洗二十分鐘,就已經同d女仔互相問問題: [你度定我度?] 我帶住我既才華入到去,幾難先搵到個女仔肯比個機會我.唔係比機會我交換問題,而係比機會我天才表演.唱歌跳舞做話劇講大話功夫表演,成套歡樂今宵一個人做一次......

失戀係會令人成長既.
我失戀之前,一向都覺得世界上所有問題都有答案.
點解我地每日都要8點鐘起身返工呀?
因為夠鐘羅!
點解我地有夠鐘呢樣野呀?
因為我地唔用浮動上班時間羅.
點解呢個世界有戰爭?
因為我地有武器羅.
甘點解我地要有武器呀?
因為佢地有武器羅.
一切都有答案,直到我失戀.
阿珍,點解你唔愛我?
阿珍比左一個經典既答覆我,佢話:
“愛情係冇點解架,係唔可以解釋架,唔好問啦.”（記緊這句啦)
如果番學阿sir問我野都可以甘答就好勒!
“黃子華,物体燃燒點解需要氧氣呀?”
“阿sir,係冇點解架,係唔可以解釋架,唔好問我啦!”另醒多两条：
“人民币，你以为人民真系好弊啊？美元，你地美国就来玩完啦！！”
“边d人中意返工噶，我真系要罗圣水淋下拒啊，如果唔系拒会傻噶！！”