〔雨中鳥〕的詞是陳達儒先生的作品，歌詞是焉爾： 1．雨中鳥誰人害，恨天怨地聲聲哀， 無依無偎悽慘雨中內，今日飛東明日西。 2．雨中鳥恨孤單，受風受雨遍身寒， 開聲啼叫找無仝心伴，一山飛過又一山。 3．雨中鳥暝日哮，怨身嗟命目屎流， 天邊海角四邊飛旋透，何時天清出日頭。 〔雨中鳥〕僅若看歌名，咱的心肝頭著１陣１陣的辛酸苦楚 在當年彼種充滿驚惶暗淡的日子 台灣人的命運若用〔雨夜花〕來形容 倒不如用〔雨中鳥〕來入鏡頭 應該復較兜貼啦！ 用〔友情〕及〔紅瓦厝〕的詞曲作者 －音樂家林文隆仙e的歌聲唱出咱的毋甘難捨... 台灣人啊！汝欲復扮演偌久的〔雨中鳥〕矣？ 曲是林綿隆先生的作品，伊的作品並無外濟， 根據台灣民間歌謠的資料顯示才有５首爾爾， 這首〔雨中鳥〕譜了實在真悽涼， 尤其是在第９小節的無依無偎悽慘雨中內， 聽起來實在真酸真慘！ 這大概是台語本身的音節自本著真好入歌的原因吧！