2008年7月1日 星期二 晴 【日馬煞科】 原定今日係今個馬季的煞科日，但因為生日嗰晚八場賽事取消咗，改咗係星期四補返，搞到今日唔係last day無啦啦要返多日。 今早要返八點，因為睡眠不足遲咗起身，但又成功早咗去到大窩口，於是施施然行咗去麥當勞食咗個早晨全餐先返工，剛剛搭正八點三先入去，唔知佢算唔算遲呢。今日所有C更的組長返八點，好多人早返所以自己冇試過機，成朝都嗚吓嗚吓咁未瞓醒般。可能因為今日係最後一次日馬，啲人輸足成季又未回到本，今日啲客勁燥，同事開唔到戶口或落錯飛，埋到去幫佢地解決問題後反而係我俾個客鬧，勁討厭。 夜晚返咗銅鑼灣去花板食日本野，好味。