原來蕃茄都係性情中人
真係唔講唔知大家都有共同唔鍾意的人

===== 分 隔 線 =====

去左同亞媽、明哥、歌莉亞食飯...

明哥一走埋黎, 話: 食飯咯...
我話 : 行唔郁呀
明哥 : 點解呀?

我手指著歌莉亞的方向, 話: 我隻腳係果度囉

明哥即向歌莉亞 : 喂, Gloria, 去食飯喇!!
歌莉亞 : 去邊食?
明哥冇答到我地就已經一齊落lift

明哥 : 去邊度食?
我話 : 去煙竇丫, 食魚翅撈飯

明哥同亞媽結果同我地去左煙竇隔離食...

個飯都ok...但係問題係, 返到office我聞到我好大陣油煙味...
得喇...black list!!!

===== 分 隔 線 =====

都係勁多野做
但係因為要開會, 所以冇計
五點半係AXA Centre開會, 所以我預左遲到咁
成五點三先走...

點知係內告士打道, 俾103堅拿道西站隔離果間車房個死佬
用水喉兜頭噴水落我面度
我果陣唔係同亞添傾緊電話同埋趕住去開會
我就真係鬧左佢
不過睇在個死佬知衰同埋佢都個頭都呢埋係車底咁滯...
我就算啦~

去到廿二樓見到Mich~
我問佢係邊開會, 佢話未齊人
我問佢我係咪遲左, 佢話arm arm好, 仲俾我睇錶, 哇, 又真係arm arm五點半喎...

最後SC Kan佢成五點九先到...
不過都好, 我地三個女同樹就係度傾水晶同蜜蠟不知傾得幾開心...

個會真係半個鐘就傾完
但係070528就係deadline真係令我十五十六...