【 黑白芝蔴脆餅 】

今次再次整 『 黑白芝蔴脆餅 』是因公司同事要求 Special Order ~~

因她們話我講這個 Cookies 咁容易整 .... 而且又話好脆又好味 ~~

她們不信 .... 叫我整d返公司比佢地試下食係咪咁好味喎 ~~

我咪整比佢地食吓啦 !! 廢事話我吹水 !! 點知拎左返去比佢地食 ~~

個個都話 "讚 "樹晒手指 Good !! Good !! ~~ Easy Cookies !!

黑白芝蔴脆餅食譜

材 料 : ( 20 塊 份 量 )

低筋粉 (薛好) 100 克 砂糖 45-50 克 雞蛋 (打散) 20 克 發粉 1/4 茶匙

梳打粉 1/8 茶匙 清水 10 克 固體菜油 25 克 白芝麻 / 黑芝麻 ~ 適量

** 固體菜油 ~ 在大型百佳、惠康、烘焙專門店有售 **

做 法 :

(1) 首先預熱焗爐 170 / 180 度 及 10-15 分鐘 。

(2) 將低筋粉 + 發粉 + 梳打粉 ~ 薛好放入缸內 (混合) 後 。

(3) 然後加入砂糖 + 雞蛋 + 固體菜油 + 水 ( 混 合 ) 用手輕輕攪拌搓勻 。

(4) 再將麵團分成 20個小等份 (每個 10克) 及 搓至圓形 。

(5) 將小麵團活滿白芝麻 (或黑芝麻) 後，再用手輕輕壓扁麵團。

(6) 然後放在預先放上牛油紙焗盤上，再入焗爐焗 170度 / 10-15 分鐘。 (即成)