HUGO BOSS
皮具部门助理

当初系网上见到HUGO BOSS既招聘都觉得不可思议
甘奢侈既品牌都会招人架咩？
而且仲要系劲野来添，一套西装至少7字头，如果入到去做米好多折扣咯？（发紧梦）

老步骤，发简历过去
大概一个星期后就收到HR打电话叫我去面试
但当时甘岩系我系东莞玩既第一日，HR就话安排过下次啦甘
翻到去又等左成个星期，我林个HR唔系已经放弃左我啦嘛...
又再发多次简历
终于个HR又打电话叫我去面啦

地点系中泰国际广场A座16楼全层
我觉得凡系租得起全层果D公司实力都唔简单
一上到去，个门面黑色既，好严肃，好简约，岩晒HUGO BOSS既意念同设计

首先系填资料同做英文题，肯定走唔到鸡架啦
之后就入房面试
个HR小姐先同我讲两句广州话之后，就话let's take some minitues to talk in English
呢一talk就再都无转翻去中文啦...
例牌自我介绍先，已经讲到熟到烂啦
然后问左D问题，自我感觉回答得流利同OK
HR小姐就话个部门经理依家系国外，要8月初先翻来中国，所以下次如果有复试的话我地会再通知你架啦
唉，小小失望，甘米姐系有排等？

最后等左足足一个月，HR先打电话来安排我复试
我仲以为HUGO BOSS唔记得我啦！！！呜呜呜~接到电话既时候好感动~

准时按要求出现系公司来复试
原来个部门经理系个鬼佬！
哇~顿时紧张既情绪放松晒，唔知点解
可能觉得同中国人面试会紧张D挂
经理系意大利人，英文略带一D距地果边既ACCENT啦，但唔会好严重
介绍左我自己之后，距就画图讲左部门既结构系点，而我申请果个职位位置又系边度，同埋要做D乜
皮具部主要负责HUGO BOSS品牌下既皮鞋啊，皮带啊，包包啊，总之一切同皮有关既野啦
最后距有讲到PLAN紧要将广州既公司搬去东莞厚街
话HUGO BOSS既供应商既厂都系东莞，如果搬左去既话工作会方便好多
问我愿唔愿意
当下我就话愿意架啦（再次发挥歌莉亚精神），但个心就千百个不愿意啊~

距话个EMPLOYMENT会从九月份正式开始，所以呢会系两个星期内姐8月底前通知我架啦甘
又系要等......
果时离8月底岩好两个星期
结果，未知