昨天是某澳門百貨公司之 VIP DAY ~~ 每年只舉辦 2 次, 一次喺 6 月, 一次喺 11月. (因為要襯公務員出雙糧月份時攪, 咁就生意多多喇 ) 我呢個慳家小婦人梗係會去襯下熱鬧買平野喇 ~~ 個場簡直多人到不得了 ~~ 尤其係 d 自由行, 好似唔洗錢咁, 人人搶貨, 迫到水洩不通. 好在我身手敏捷, 唔怕比人迫親. 昨天真係大出血呀 ~~ 昨天買咗好多野 ~ 首先係 bb用品 (奶樽, 羊毛內衣) 及少少產婦用品 (因為全部有 8 折, 計起上來比出面公價還要平, 所以好難忍手唔入貨) ~~ 不過淨係排隊比錢都已經排咗一個小時 ( 係買不同種類野都要在不同counter 比錢, 而每個 counter都要排一個小時, 好彩我只需要排一個COUNTER, 不過都排到我腳仔軟呀 ) 之後又同嫲嫲去咗電器部買家電, 因為有 9 折, 於是買咗蒸氣機, 蒸魚爐同電飯煲 ~ 買完就夠鐘要去接瑤瑤豬放學, 所以我地搭巴士打道回府了. 因為仲有床上用品未買, 所以吃完晚飯我地又再出動, 而且有瑤瑤豬 DAD DAD 做柴可夫, 所以嫲嫲又可以去大出血了 今次連瑤瑤豬都有份去. 本來以為晚上會少人D , 點知都係差不多, 只不過就係冇咗 D 野蠻嘅自由行 ~ 因為瑤瑤豬將會有自己嘅單人床, 所以就買了床單比佢, 好抵呀 ~ 特價 $99 雅芳婷單人床單 + PILLOW袋 ~ 我買咗兩套呀, 係 MELODY 同 KEROPPI 公仔. 瑤瑤豬一見到就話靚靚 ~~ 見咁抵, 唔買都對唔住瑤瑤豬喇 ~ 跟手又買咗兩張冷氣被比瑤瑤豬同寶寶, 嫲嫲就買了一對 PILLOW. 終於都購物完畢一齊回家了 ~~ 一日裡我總共洗咗二千幾元呀 ~~